Qəbələdən dünyaya

 

   “Qəbələ ölkəmizin mədəniyyət və turizm mərkəzlərindən birinə çevrilib. Bakıdan, digər yerlərdən, digər şəhərlərdən, başqa ölkələrdən buraya gələnlərin sayı getdikcə artır. Qəbələ artıq dünyada çox məşhur şəhərə çevrilibdir.

  

   Qəbələ musiqi festivalları artıq gözəl ənənədir. Dünyanın aparıcı musiqi kollektivləri bu festivalda iştirak etmək üçün ölkəmizə gəlirlər. Buraya gələn hər bir xarici qonaq öz ölkəsinə qayıtdıqdan sonra, əlbəttə ki, Qəbələ haqqında, Azərbaycan haqqında tanışlarına və dostlarına məlumat verir”. Prezident İlham Əliyevin bu günlərdə Qəbələ rayonunda dediyi sözlər bölgənin inkişafına ən yüksək qiymətdir.

   Ötən ilrayon üçün uğurlarla yadda qalıb. Heydər Əliyev Fondunun təşəbbüsü və rəhbərliyi ilə IV Qəbələ Beynəlxalq Musiqi Festivalının keçirilməsi, təbii ki, ötən il təkcə bölgənin yox, ölkənin həyatında mühüm mədəni hadisə kimi yadda qaldı.

   2012-ci ildə Qəbələ Rayon Mədəniyyət və Turizm Şöbəsi tərəfindən tarixi hadisələr, yubileylər və əlamətdar günlər qeyd olundu. Ötən ilin ölkəmizdə “İdman ilielan edilməsi ilə əlaqədar Rəsm Qalereyası tərəfindən “İdman sağlamlıqdır” mövzusunda uşaqların əl işlərindən ibarət sərgi, incəsənət məktəbi və Rəsm Qalereyasının birgə təşkilatçılığı ilə rəsm müsabiqəsi, MKS və onun filiallarında həvəskar rəssamların əl işlərindən ibarət sərgilər təşkil olundu.

   Milli atüstü oyunlarmövzusunda uşaqların əl işlərindən ibarət sərgi də maraqla qarşılandı. Ötən il Şəkidə keçirilən ənənəvi atüstü milli oyunlar festivalında Qəbələ komandası “Yaylıq” oyunu üzrə II yerə çıxdı.

   “Regionların 2009-2013-cü illərdə sosial-iqtisadi inkişafı Dövlət Proqramı”na uyğun olaraq bir sıra müəssisələrdə əsaslı və cari təmir işləri görülüb. 2012-ci ildə Qəbələdə Mədəniyyət Mərkəzi inşa edildibu günlərdə ölkə başçısının iştirakı ilə istifadəyə verildi. Ötən il həm də Qəbələ Tarix-Bədii Qoruğu yeni inzibati binaya köçürüldü.

   Qəbələ Rayon Mədəniyyət və Turizm Şöbəsi də öz işini günün tələblərinə uyğun qurur. Şöbənin saytında həyata keçirilən tədbirlər və rayonun mədəni həyatında baş verən yeniliklər öz əksini tapır. Şöbənin müdiri Nargilə Qafarova il ərzində müxtəlif mədəniyyət və incəsənət müəssisələrinin dövlət tədbirlərində fəal iştirak etdiyini bildirdi: “Ötən ilin mart ayında Bakıda keçirilən Novruz şənliklərində Qəbələ rayonunun mədəniyyət işçiləri yüksək səviyyədə təmsil olundu. Dənizkənarı parkda təşkil edilmiş bayram yarmarkasında Qəbələ rayonunun kənd təsərrüfatı və istehsal müəssisələrinin məhsulları nümayiş etdirildi. Bum qəsəbə Mədəniyyət evininZopu-zopuetnoqrafik folklor rəqs ansamblı tədbirə xüsusi rəng qatdı. Kulinariya və sənətkarlıq işləri üzrə sərgimiz də maraqla qarşılandı”.

   Ötən il rayon Mədəniyyət evininGülbutafolklor qrupu, Hacallı kənd mədəniyyət evininGülüstanfolkor qrupu, xalq yaradıcılığı və bədii özfəaliyyət sahəsində bir çox maraqlı tamaşaları ilə yadda qalıb.

   Rayonun zəngin tarixi-mədəni irsi var. Çuxur Qəbələ kəndi ərazisində yerləşən Qəbələ Dövlət Tarix-Bədii Qoruğunda Azərbaycan-Koreya Mədəniyyət Mübadiləsi Assosiasiyası İctimai Birliyinin (SEBA) dəstəyi ilə arxeoloji qazıntılar davam etdirilib. Aşkar olunmuş abidələr üzərində konservasiya məqsədilə şüşə örtük quraşdırılıb. Qəbələ Rayon İcra Hakimiyyəti SEBA təşkilatının dəstəyi ilə Tarix-Diyarşünaslıq Muzeyinin eksponatları haqqında 3 dildə broşür kitab hazırlanıb, Qəbələ rayonu haqqında geniş məlumat verən yeni bələdçi kitab nəşr edilib.

   Ötən il rayonun xalq tətbiqi sənəti ustaları üçün uğurlu olub, Respublika dekorativ-tətbiqi sənət festivalının Şəkidə Bakı şəhərində keçirilmiş sərgilərində Qəbələ sənətkarları yaxından iştirak edib.

  

 

    Ceyhun Zərbəliyev

 

     Mədəniyyət.- 2013.- 15 mart.- S. 14.