Ömrün 60-cı baharı
Heydər Əliyev Sarayının direktor müavini-baş mühəndis Vaqif Məmmədovun 60 yaşı tamam olub. Vaqif Qurban oğlu Məmmədov 1953-cü il mayın 5-də anadan olub. 1971-1976-cı illərdə Kənd Təsərrüfatı İnstitutunu bitirib. 1980-ci ildə ölkənin əsas konsert-tamaşa müəssisəsi olan indiki Heydər Əliyev Sarayına elektromexanika xidmətinin elektromexanik mühəndisi vəzifəsinə işə qəbul olunub. Sonralar elektrotexnika xidmətinin rəisi, baş energetik və baş mühəndis vəzifələrində çalışıb. 2009-cu ilin yanvarında direktor müavini-baş mühəndis vəzifəsinə təyin olunub.
Vaqif Məmmədov uzun illər bu mədəniyyət müəssisəsində bir çox dövlət səviyyəli, beynəlxalq əhəmiyyətli, ictimai-siyasi, mədəni-kütləvi və digər tədbirlərin, konsert proqramlarının keçirilməsində yüksək peşəkarlıq nümayiş etdirib. Gənc kadrların yetişdirilməsində, onların bu işdə püxtələşməsində müstəsna xidmətləri olub. Göstərdiyi səmərəli fəaliyyəti yüksək qiymətləndirilib, bir neçə dəfə fəxri fərmanlarla, diplomlarla təltif olunub.
Heydər Əliyev Sarayının rəhbərliyi
və kollektivi yubileyi
münasibətilə Vaqif müəllimi
ürəkdən təbrik edir, ona cansağlığı, uzun
ömür və yeni
uğurlar arzulayır. Biz
də “Mədəniyyət” qəzeti olaraq
bu təbriklərə qoşulur,
yubilyara ömrün
növbəti baharlarını da ruh yüksəkliyi, nailiyyətlərlə
qarşılamağı diləyirik.
Mədəniyyət.-
2013.- 17 may.- S. 6.