“Azərbaycan ailəsi” film festivalının
yubileyi
Mayın 22-də Bakıda Heydər Əliyev Fondunun, Ailə, Qadın və Uşaq Problemləri üzrə Dövlət Komitəsinin (AQUPDK) və
BMT-nin Əhali Fondunun birgə layihəsi əsasında təşkil olunan “Azərbaycan ailəsi” film
festivalının yubiley
mərasimi keçirilib.
Ümummilli lider Heydər
Əliyevin 90 illik yubileyinə həsr olunmuş tədbirdə çıxış edən
AQUPDK-nın sədri Hicran Hüseynova artıq beşinci dəfə keçirilən
“Azərbaycan ailəsi”
film festivalının ictimaiyyət
tərəfindən maraqla
qarşılandığını vurğulayıb. Bildirilib ki,
layihənin əsas məqsədi ailə institutunu möhkəmləndirmək,
cəmiyyətdə ailənin
nüfuzunu yüksəltmək,
milli ailə dəyərlərini təbliğ
etmək və yaşatmaqdır. Festival sənətdə ilk addımlarını
atan gənc rejissorların öz istedadlarını və yaradıcılıq imkanlarını
nümayiş etdirmələri
üçün gözəl
məkandır.
İctimai Televiziya və
Radio Yayımları Şirkətinin
baş direktoru, Əməkdar incəsənət
xadimi Cəmil Quliyev “Azərbaycan ailəsi” film festivalının
beynəlxalq status aldığını
diqqətə çatdıraraq
layihədə bir sıra ölkələrin
istedadlı gənc rejissorlarının iştirak
etdiyini deyib.
Azərbaycan Respublikası Kinematoqrafçılar
İttifaqının sədri,
Xalq artisti Şəfiqə Məmmədova
hər il
olduğu kimi, bu il də
festivala maraqlı işlərin təqdim olunduğunu bildirib. Onun sözlərinə görə,
televiziya filmlərinə
böyük maraq var və film çəkilərkən daha
çox müsbət,
ümidverici mövzulara
müraciət olunmalıdır.
Yerli cizgi filmlərinin sayı az olduğu
üçün animasiya
filmlərinin istehsalına
geniş yer verilməlidir.
Sonda
münsiflər heyəti tərəfindən seçilmiş
“Ən yaxşı film”, “Ən
yaxşı xarici film”,
“Ən yaxşı sosial çarx”
nominasiyaları və nazirliklərin fəaliyyət istiqamətlərinə
uyğun seçilmiş
filmlər üzrə qaliblər
mükafatlandırılıb.
Mədəniyyət.- 2013.- 24 may.-
S. 5.