Moskvada Azərbaycan muğamı axşamı

Avqustun 29-da Moskvada Azərbaycan muğam konserti keçirilib. Beynəlxalq Musiqi Evinin kamera zalında baş tutan muğam konserti gənc xanəndələrin ifası ilə yadda qalıb. Musiqili gecədə “Buta” instrumental ansamblının çıxışı tamaşaçılar tərəfindən rəğbətlə qarşılanıb.

Tarzən Rövşən Qurbanovun rəhbərliyi ilə keçirilən muğam axşamında gənc xanəndələr Arzu Əliyeva və Elnur Zeynalov milli musiqi nümunələrimizdən parçalar səsləndiriblər.

Azərbaycanın diaspor nümayəndələrinin iştirak etdikləri konsertdə gənc xanəndələrin bir-birindən fərqli ifaları tamaşaçıların, xüsusilə yerli sakinlərin böyük marağına səbəb olub.

Mədəniyyət.- 2013.- 4 sentyabr.- S. 5.