“Payız etüdləri”

Bakı Yaradıcılıq Mərkəzi (Baku Creative Center) sentyabrın 21-də yeni mövsümü “Payız etüdləri” adlı sərgi ilə açıb. Sərginin ekspozisiyasında peşəkar fırça və tişə ustaları ilə yanaşı, sənətə yeni başlayan gənclərin əl işləri yer alıb. Ümumilikdə sərgidə 40-dan çox rəssamın 60-a yaxın rəngkarlıq, heykəltəraşlıq və dekorativ-tətbiqi sənət sahələrini əhatə edən nümunələri nümayiş etdirilir. Sentyabrın sonunadək davam edəcək sərginin məqsədi yeni mövsümün başlanması ilə əlaqədar yaradıcı şəxsləri bir araya gətirmək, onların incəsənətin müxtəlif növ və üslublarında olan yeni işlərini ictimaiyyətə təqdim etməkdir.

Mədəniyyət.- 2013.- 25 sentyabr.- S. 12.