Azərbaycan kitabları London sərgisində

Aprelin 8-də Londonda ənənəvi beynəlxalq kitab sərgisi açılıb. 1971-ci ildən etibarən hər il təşkil olunan sərgidə Avropanın və dünyanın tanınmış nəşriyyat və poliqrafiya təşkilatları iştirak edir. Ölkəmiz 2009-cu ildən London sərgisində təmsil olunur.

Budəfəki sərgidə də Azərbaycan kitabları nümayiş olunur. Tədbirdə Mədəniyyət və Turizm Nazirliyinin nümayəndə heyəti iştirak edir. Milli ekspozisiyamızda ölkəmizin tarixindən, mədəniyyətindən, ədəbiyyatından, turizm imkanlarından, Qarabağ həqiqətlərindən bəhs edən kitab və reklam-çap məhsulları nümayiş olunur.

Sərgi aprelin 10-dək davam edəcək.

Mədəniyyət.- 2014.- 9 aprel.- S. 2.