“Azərbaycan obyektivdə”

Berlin, London, Paris, Brüssel və İstanbuldan sonra növbəti sərgi Bratislavada təşkil olunub

Aprelin 8-də Avropa Azərbaycan Cəmiyyətinin (AAC) təşkilatçılığı ilə Slovakiyanın paytaxtı Bratislavada “Azərbaycan obyektivdə” adlı fotosərgi açılıb. “Dvorana” sərgi salonunda təşkil olunan mərasimdə Slovakiya Mədəniyyət Nazirliyində dövlət katibi İvan Şeçik, Azərbaycanın bu ölkədəki fəxri konsulu Cəlal Qasımov, Milli Məclisin deputatı Asim Mollazadə və digər çıxış edənlər “Azərbaycan obyektivdə” sərgisinin indiyədək London, Paris, Berlin, Brüssel və İstanbulda maraqla qarşılandığını diqqətə çatdırıblar. Sərgidə Azərbaycanın mədəniyyətini, təbiətini, tarixini, insanların həyatını, qonaqpərvərliyini və ölkədəki tolerantlığı təcəssüm etdirən maraqlı fotolar nümayiş etdirilir.

Tədbirdə slovak musiqiçilərinin ifasında Avropa və Azərbaycan musiqisi səsləndirilib, qonaqlara ölkəmiz haqqında kitablar, suvenirlər təqdim olunub.

Mədəniyyət.- 2014.- 11 aprel.- S. 5.