“Gəncliyimizi qoruyaq”
İyunun
20-də Bakı Şəhər Mədəniyyət və
Turizm İdarəsinin təşkilatçılığı
ilə Səbail rayon MKS-nin Mərkəzi kitabxanasında
“Narkomaniya həyat tərzinə çevrilməsin!” adlı tədbir
keçirildi. “Gəncliyimizi qoruyaq” şüarı altında
gerçəkləşən tədbir 26 iyun - Narkomaniyaya və
Narkobiznesə qarşı Beynəlxalq Mübarizə
Gününə həsr olunmuşdu.
Əvvəlcə
narkomaniya ilə mübarizə mövzusuna həsr edilmiş sərgi-plakat
və bu bəlanın ağır fəsadlarından bəhs
edən videoçarx təqdim olundu.
Tədbirdə
Səbail Rayon İcra Hakimiyyətinin nümayəndəsi
Ə.Ələkbərov, Bakı Şəhər Mədəniyyət
və Turizm İdarəsinin əməkdaşı M.Quliyeva,
Respublika Narkoloji Mərkəzinin həkimi A.Kəngərli, Səbail
rayon 9-cu Polis Bölməsinin baş əməliyyat müvəkkili,
polis mayoru S.Qasımov, “N” saylı hərbi hissənin zabit heyəti,
BDU-nun kitabxana-informasiya fakültəsinin tələbələri
iştirak edirdilər.
Müzakirələrdə
narkomaniyanın törətdiyi xəstəliklər
haqqında məlumat verildi, narkomaniya ilə mübarizədə
cəmiyyətin bütün təbəqələrinin səfərbər
olması diqqətə çatdırıldı. Qeyd olundu ki,
bu mübarizədə maarifləndirmə, təbliğat
işlərinin daha düzgün və effektiv
aparılmasında kitabxanaların da üzərinə
böyük vəzifələr düşür.
Şəbnəm Babaşova
Mədəniyyət.- 2014.- 25 iyun.-
S. 7.