Milli Dram Teatrı bölgələrə qastrola çıxıb

Akademik Milli Dram Teatrı respublikanın bölgələrinə qastrol səfərlərini davam etdirir. Yaradıcı kollektiv Qubadakı Bəşir Səfəroğlu adına Mədəniyyət evində həm uşaqlar, həm də böyüklər üçün maraqlı tamaşalar nümayiş etdirib.

Abdulla Şaiqin eyniadlı əsəri əsasında hazırlanan “Danışan gəlincik” tamaşası balacaların marağına səbəb olub. Günün ikinci yarısında isə böyüklər üçün Rey Kuninin əsəri əsasında hazırlanmış ikihissəli “Zorən şorgöz” tamaşası göstərilib. Rolları əməkdar artistlər Nicat Kazımov, Aslan Şirin, Mehriban Xanlarova, Şəlalə Şahvələdqızı və digər aktyorlar ifa ediblər.

Mədəniyyət.- 2014.- 21 may.- S. 5.