Tatar icması milli bayramını qeyd edib
“Tuqan tel” Respublika Tatar Mədəniyyəti
Cəmiyyəti “Karqa botkası” (“Qarğa sıyığı”) adlı
qədim bahar bayramına həsr olunmuş tədbir keçirib. Bayram şənliyi Quba
rayonundakı “Asma körpü” istirahət zonasında təşkil edilib. “Tuqan tel “ cəmiyyətinin
sədri Gülcan Myasautova bildirib ki, “Karqa botkası”
ilk dəfə Azərbaycanda
qeyd olunur: “Bu bayramın təkcə tatarlara məxsus olmadığını nəzərə
alaraq, gələn ildən onu ümumtürk bayramı kimi qeyd etmək
qərara alınıb”.
O, göstərilən dəstəyə
görə Prezident Administrasiyasına və Quba Rayon İcra Hakimiyyətinə minnətdarlıq
edərək deyib ki, tədbir Avropa İttifaqının
“CAUCULT” proqramının (Qafqaz
Mədəni Təşəbbüslər
Şəbəkəsi - red.) köməyi ilə keçirilir.
Tatarıstan Respublikasının Azərbaycandakı daimi nümayəndəsi Alfred Zakirov bildirib ki, “Karqa botkası” unudulmuş bahar bayramıdır. Onun dirçəldilməsi milli ənənələrin dirçəldilməsinə, xalqların yaxınlaşmasına xidmət edir.
Bayram şənliyi Azərbaycan
və tatar mahnı və rəqslərinin
ifa edilməsi ilə müşayiət olunub. Yaşlılar ocaqda
sıyıq bişirib tədbir iştirakçılarını
qonaq ediblər. Onların sözlərinə
görə, sıyığın bir hissəsi
mütləq quşlara
saxlanılmalıdır. Uşaqlar
müxtəlif oyunlar oynayıb, rəqs və
mahnılar ifa ediblər.
Mədəniyyət.- 2014.- 21 may.-
S. 12.