Filmmusiqi mövzusunda təqdimat

 

Oktyabrın 31-də Cəfər Cabbarlı adına Azərbaycanfilm kinostudiyasında Böyük Britaniyanın De Wolfe Production Music Library şirkətinin eksklüziv musiqi agenti Oleq Onopriyenko təqdimatla çıxış etdi. Azərbaycanfilm tərəfindən təşkil olunan təqdimatın məqsədi azərbaycanlı kino mütəxəssislərini şirkətin xidmətləri ilə yaxından tanış etmək idi. Görüşdə yerli kino mütəxəssisləri Oleq Onopriyenko ilə fikir mübadiləsi apararaq filmmusiqi mövzusunda mülahizələrini bölüşdülər.

Həmçinin 100 ildən artıq fəaliyyət göstərən De Wolfe Music şirkətinin kino istehsalı üçün təqdim etdiyi musiqi xidmətləri müzakirə olundu. Qonaq bildirdi ki, dünyada ən uzunömürlü və ən geniş müstəqil musiqi resursu olan şirkət 80 mindən çox treki özündə toplayan yüksək keyfiyyətli çoxşaxəli musiqi kitabxanasına malikdir.

 

Lalə Azəri

 

Mədəniyyət.- 2014.- 5 noyabr.- S. 5.