“Avrasiya
ilə Koreyanın görüşü”
Muzey kuratorları üçün seminarda Azərbaycan təmsilçiləri də iştirak ediblər
Koreya Respublikası Xarici İşlər Nazirliyinin nəzdində yaradılmış Koreya Fondu ölkə mədəniyyətinin dünyada təbliği məqsədilə xarici muzeylərlə əlaqələrin qurulması, xüsusi sərgi, ekspozisiya və proqramların həyata keçirilməsi işində fəal iştirak edir.
Fondun 3-12 noyabr tarixində Seul şəhərində muzey kuratorları üçün təşkil etdiyi “Avrasiya ilə Koreyanın görüşü” mövzulu praktiki seminarda Azərbaycan Respublikası Mədəniyyət və Turizm Nazirliyi Muzey Sərvətləri və Xatirə Əşyalarının Elmi Bərpa Mərkəzinin direktoru Zərifə Məlikova və Azərbaycan Milli İncəsənət Muzeyinin baş mühafizi Nailə Rəhimova da iştirak edib.
Seminarda mütəxəssislər
tərəfindən müasir Koreya mədəniyyəti, incəsənəti,
iqtisadiyyatı və tarixi haqqında
mühazirələrlə, yanaşı, səyyar məşğələlər
də keçirilib. Tədbir müddətində
iştirakçılar Koreyanın bir
sıra müxtəlif mədəniyyət ocaqlarının fəaliyyəti
ilə yaxından tanış olub, təcrübə
mübadiləsi aparıblar.
Mədəniyyət.- 2014.- 21
noyabr.- S. 13.