“Folklor paytaxtı”nda “Balakən payızı”
Xəbər verdiyimiz kimi, sentyabrın 25-26-da Mədəniyyət
və Turizm Nazirliyinin “2010-2014-cü illər
üçün Xalq Yaradıcılığı Paytaxtları”
proqramına əsasən
bu ilin “Folklor paytaxtı” elan olunmuş Balakən rayonunda folklor və turizm festivalı, həmçinin poeziya görüşü keçirilib.
Mədəniyyət və Turizm Nazirliyinin və Balakən Rayon İcra Hakimiyyətinin birgə təşkil etdiyi “Balakən payızı” festivalında
Dağıstan (Rusiya Federasiyası) və Gürcüstanın, həmçinin
Ağdam, İsmayıllı,
Masallı, Şəki,
Qax, Zaqatala və Balakən rayonlarının folklor kollektivləri iştirak edirdilər.
Festival şəhərdəki Heydər Əliyev prospektində, Mədəniyyət
mərkəzinin qarşısındakı
meydanda kollektivlərin
təqdimatı ilə
başlandı. Gürcüstanın
və Dağıstanın
folklor və rəqs kollektivləri, Şəki rayonu Şorsu kənd mədəniyyət evinin
“Abay” rəqs kollektivi, Ağdam rayonunun “Şur” ansamblı, Masallının
“Halay” rəqs qrupu, Qax rayonunun
“Peşvebi”, İsmayıllının
“İvanovka”, Zaqatalanın
“Qızılgül” folklor
kollektivləri qısa
proqramla çıxış
etdilər.
Sonra iştirakçılar
prospektlə ulu öndərin adını
daşıyan mədəniyyət
və istirahət parkına yürüş
etdilər. Burada Balakən rayonunun
folklor və rəqs kollektivləri
festival iştirakçılarını şux rəqslərlə
qarşıladılar. Parkda Balakən mətbəxi və dekorativ-tətbiqi sənət nümunələrindən
ibarət sərgilər
təşkil edilmişdi.
Tədbir iştirakçıları bölgə mətbəxinin
dadlı təamlarının
dadına baxaraq folklor kollektivlərinin çıxışlarını izlədilər.
Günün ikinci yarısında Heydər Əliyev parkında festivalın rəsmi açılış
mərasimi oldu. Mərasimdə İcra Hakimiyyətinin başçısı İslam
Rzayev çıxış
edərək dövlət
başçısı İlham
Əliyevin qayğısı
nəticəsində Balakən
rayonunun son illər xeyli inkişaf etdiyini vurğuladı.
İcra başçısı
Balakənin zəngin mədəni irsinin, folklor ənənələrinin
olduğunu diqqətə
çatdırdı: “Balakənin
“Folklor paytaxtı” elan edilməsi rayonun milli-mənəvi dəyərlərinə verilən
yüksək qiymətdir.
Mədəniyyət və Turizm
Nazirliyinin “Xalq Yaradıcılığı Paytaxtları”
proqramı çərçivəsində
həyata keçirilən
bu festival xalqımıza
xas olan mədəni irsi qoruyub saxlamaq və təbliğ etmək baxımından mühüm əhəmiyyət
daşıyır. Ölkəmizdə belə festivalların keçirilməsi artıq
ənənəyə çevrilib.
Ümidvaram ki, “Balakən
payızı” folklor və turizm festivalı da ənənəvi olacaq”.
Mədəniyyət və Turizm Nazirliyi Mədəniyyət siyasəti
şöbəsinin müdiri
Fikrət Babayev çıxış edərək
Balakənin qədim tarixə, etnik müxtəlifliyə, zəngin
adət-ənənəyə malik olduğunu vurğuladı: “Bu gün
yeni bir layihənin başlanğıcını
qoyuruq. Bilirsiniz ki, Balakən şəhəri 2014-cü il üçün “Azərbaycanın Folklor Paytaxtı” elan edilib. İlk dəfə keçirilən
“Balakən payızı”
folklor festivalı “Folklor ili” çərçivəsində
burada təşkil olunan tədbirlərin davamıdır. Bu gün keçirilən
festival onu deməyə
əsas verir ki, Balakən, həqiqətən də,
Azərbaycanın mədəniyyət
mərkəzlərindən birinə çevrilməkdədir.
Belə festivalların keçirilməsi
nəinki Balakənin,
eyni zamanda bu bölgənin mədəni həyatına
müsbət təsir
göstərəcək. Güman edirəm ki, festival ənənəvi olaraq keçiriləcək. Nazirlik olaraq
belə tədbirlərin
keçirilməsini bundan
sonra da dəstəkləyəcəyik”.
Mərasimdə folklor və rəqs kollektivlərinin təqdim etdiyi konsert proqramı tamaşaçılar tərəfindən
maraqla izlənildi.
* * *
“Balakən - Azərbaycanın
Folklor Paytaxtı-2014” layihəsi
çərçivəsində rayon Mədəniyyət mərkəzində
poeziya görüşü
keçirildi. Əməkdar incəsənət xadimi, şair Çingiz Əlioğlu, şair-tərcüməçi
Ənvər Əhməd,
şair Sərvaz Hüseynoğlu, gənc şairlər Xəyal Rza və Fərid
Hüseyn ədəbiyyat
həvəskarlarının görüşünə gəlmişdilər.
Tədbirdə Balakən Rayon İcra
Hakimiyyətinin başçısı
İslam Rzayev, millət vəkili Kamilə Əliyeva, Mədəniyyət və
Turizm Nazirliyi Mədəniyyət siyasəti
şöbəsinin müdiri
Fikrət Babayev, rayon ictimaiyyətinin nümayəndələri
iştirak edirdi.
Gecədə çıxış edən şair Çingiz Əlioğlu Balakənin tarixən vətəni yadelli basqınlardan qoruyan, əzmkar insanların yaşadığı bir torpaq olduğunu dedi: “Balakənin “Folklor paytaxtı” elan olunması heç də təsadüfi deyil. Bu bölgənin əhalisi
tarixdə qəhrəmanlıqlar
göstərmiş, gözəl
adət-ənənələr, folklor nümunələri
yaratmışdır. Balakən Azərbaycanın gözəl
landşafta malik təbiəti ilə seçilən bir məkanıdır. Buranın əsas
bəzəyi isə mərd, əzmkar insanlarıdır”.
Şair-tərcüməçi Ənvər Əhməd də Balakən rayonunu qədim adət-ənənənin, milli
musiqinin, folklorun daim yaşadıldığı
bölgə kimi xarakterizə etdi.
Daha sonra çıxış
edən şair Sərvaz Hüseynoğlu,
gənc şairlər
Xəyal Rza və Fərid Hüseyn tarixin dərin qatlarından keçib gələn, saflaşıb durulan folklorumuzun, musiqimizin, milli mətbəximizin qorunduğunu və inkişaf etdirildiyini bildirdilər. Şairlər şeirlərindən nümunələr oxudular.
Səmimi əhval-ruhiyyədə keçən poeziya gecəsi rayon sakinlərinə
xoş anlar yaşatdı.
Qeyd edək ki, “2010-2014-cü illər üçün Xalq Yaradıcılığı
Paytaxtları” proqramı
üzrə bu il paytaxt
elan olunmuş bölgələrdə tədbirlər
davam edir. Növbəti tədbir oktyabrın
3-də “Sənətkarlıq paytaxtı” Abşeron rayonunda təşkil olunacaq.
Fariz Hüseynov
Mədəniyyət.- 2014.- 1
oktyabr.- S. 12.