Azərbaycanlı
rəqqas Estoniya
tamaşaçılarını heyran edib
Estoniya Milli
Opera Teatrının konsert
zalında “Etoile Ballet
Gala” adlı qala-konsert
keçirilib. Konsertdə dünya balet
ulduzları, məşhur
balet truppalarının
nümayəndələri çıxış
ediblər. Azərbaycanın
Estoniyadakı səfirliyindən
verilən xəbərə
görə, qala-konsertin
iştirakçıları arasında azərbaycanlı
- Rudolf Nureyev adına
XVI beynəlxalq balet festivalının laureatı
və Budapeştdə
keçirilmiş XVIII beynəlxalq
qala-konsertin xüsusi mükafatının sahibi,
istedadlı rəqqas Ülvi Əzizov da olub.
Konsertin
proqramına “Paris alovu”,
“Yatmış gözəl”,
“Sonalar gölü”,
“Don Kixot”, “Esmeralda” və
digər baletlərdən
məşhur partiyalar
daxil edilib.
Azərbaycan səfirliyi tədbirin təşkilinə kömək
göstərib. Gecənin qonaqları, “Don Kixot”
baletindən klassik partiya ilə yanaşı, milli Azərbaycan rəqsini də ifa edən
Ülvi Əzizovun ustalığını xüsusi
qeyd ediblər.
Mədəniyyət.- 2014.- 15 oktyabr.- S. 10.