İspaniya ölkəmizlə mədəniyyət
və turizm əlaqələrini inkişaf etdirmək istəyir
Barselona Sərgi Mərkəzinin baş icraçı direktoru Azərbaycan tərəfinə "Ağıllı şəhər" layihəsini təqdim edib
Oktyabrın 30-da mədəniyyət və turizm nazirinin müavini Nazim Səmədov İspaniyanın keçmiş xarici işlər və əməkdaşlıq naziri Migel Anxel Moratinosun rəhbərliyi ilə nümayəndə heyətini qəbul edib. Görüşdə İspaniyanın Rusiyadakı keçmiş səfiri Xuan Antonio Març və Barselona Sərgi Mərkəzinin baş icraçı direktoru Rikard Zapatero iştirak edib.
Söhbət zamanı iki ölkə arasında müvafiq sahələrdə əməkdaşlığın vəziyyəti haqqında müzakirələr aparılıb, Azərbaycan və İspaniya arasında mədəniyyət və turizm sahələrində əlaqələrin daha da inkişaf edəcəyinə inam ifadə olunub. Barselona Sərgi Mərkəzinin baş icraçı direktoru Rikard Zapatero nazir müavininə "Smart city" ("Ağıllı şəhər") layihəsini təqdim edib və həmin layihənin Bakıda da həyata keçirilməsinin faydalı olacağını söyləyib. Nazir müavini Azərbaycanın qabaqcıl layihələrdə iştiraka hazır olduğunu qeyd edərək, bu layihəyə diqqət göstəriləcəyini bildirib.
Nazim Səmədov qonaqlara 2015-ci il 2-4 aprel tarixində
Bakıda keçirilməsi planlaşdırılan ənənəvi
AİTF beynəlxalq turizm və səyahətlər
sərgisi, həmçinin 2015-ci ilin 19-22
mayında təşkil olunması nəzərdə tutulan III Dünya Mədəniyyətlərarası
Dialoq Forumu barədə
məlumat verib, İspaniyanın müvafiq qurumlarının səlahiyyətli
nümayəndələrini, habelə turizm
şirkətlərini qeyd edilən tədbirdə
iştirak etməyə dəvət edib.
Mədəniyyət.- 2014.- 31
oktyabr.- S. 4.