Milli-mənəvi dəyərlərimiz mövzusunda tədbir

Sentyabrın 5-də Lənkəran şəhər Mərkəzi kitabxanasında “Heydər Əliyev və milli-mənəvi dəyərlərimiz” mövzusunda tədbir təşkil olunub. Tədbirdə MKS-in şöbə müdiri Xədicə Məmmədova çıxış edərək ulu öndər Heydər Əliyevin Azərbaycan dövlətçiliyinin inkişafında, xalqımızın milli-mənəvi dəyərlərinin qorunub saxlanılmasında tarixi rolundan danışıb. Mərkəzi kitabxananın şöbə müdiri Elnurə Dadaşova ölkəmizdə bu istiqamətdə görülən işlər, xüsusilə Heydər Əliyev Fondunun milli-mənəvi dəyərlərimizin təbliği və dünya miqyasında tanıdılmasına xidmət edən layihələri barədə məruzə edib.

Mədəniyyət.- 2014.- 10 sentyabr.- S. 15.