“Xınalıq -
zamanı dayandıran məkan”
Özbəkistanın 150 min tirajla nəşr olunan “Darakçi” qəzetində tanınmış jurnalist Rüstəm Cabbarovun “Xınalıq - zamanı dayandıran məkan” sərlövhəli məqaləsi dərc edilib.
Məqalədə bildirilir ki, Azərbaycanın
Quba rayonu ərazisində,
dəniz səviyyəsindən 2350 metr
yüksəkdə yerləşən Xınalıq nəinki
Azərbaycanda, bütün Cənubi Qafqazda sirli və
özünəməxsus xüsusiyyətləri olan kənd kimi
tanınır. Burada yerli
əhali tarixən sənətkarlıq, heyvandarlıq və əkinçiliklə
məşğul olur. Kənddəki
küçələr yüz il əvvəl necə idisə, bu gün də eləcə
qalır. Kənddə milli paltarlarda at minən cavanlara hər an rast gələ
bilərsən.
Yazıda
vurğulanır ki, tarixçilər Xınalığın
5 min il tarixi
olduğunu yazırlar.
2 min nəfərə yaxın əhalisi olan kəndin sakinləri dünyanın
heç bir yerində işlədilməyən
xınalıq dilində
danışır.
Məqalə Daşkənddəki Heydər Əliyev adına Azərbaycan
Mədəniyyət Mərkəzinin
elan etdiyi müsabiqəyə təqdim
olunub.
Mədəniyyət.- 2014.- 8 yanvar.- S. 2.