İctimai Televiziya və Radio mükafata layiq görülüb

Yanvarın 16-da İctimai Televiziya və Radio Yayımları Şirkəti Milli Olimpiya Komitəsinin (MOK) xüsusi mükafatına layiq görülüb. Bununla bağlı keçirilən tədbirdə baş direktor Cəmil Quliyev İctimai Televiziya və Radionun MOK-la əməkdaşlığının yüksək səviyyədə olduğunu deyib.

MOK-un beynəlxalq əməkdaşlıq idarəsinin rəhbəri Könül Nurullayeva İctimai TV-nin Azərbaycanın Olimpiya hərəkatına töhfələr verdiyini, “Fəal ailəm” və “Sağlam ailəm” layihələrinin bu işdə mühüm rol oynadığını bildirib.

Sonda İctimai Televiziya və Radio Yayımları Şirkətinin baş direktoru Cəmil Quliyev və şirkətin layihələrin həyata keçirilməsində fəal iştirak etmiş əməkdaşları mükafatlandırılıblar. Milli Olimpiya Komitəsi tərəfindən qış Olimpiya Oyunları ilə bağlı hazırlanan film İctimai Televiziyaya təqdim olunub.

Mədəniyyət.- 2014.- 17 yanvar.- S. 4.