Mədəni irs sahəsində əməkdaşlıq müzakirə olunub

Yanvarın 23-də Səudiyyə Ərəbistanının ölkəmizdəki səfiri Musaid bin İbrahim bin Abdullah əl-Səlim Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunda olub.

İnstitutun direktor əvəzi Paşa Kərimovun səfirlə görüşündə iki ölkə arasında mədəni əlaqələrin inkişafı üçün geniş imkanların olduğu vurğulanıb. Əlyazmalar İnstitutunda zəngin mədəni irsin saxlanıldığını söyləyən səfir Səudiyyə Ərəbistanının müvafiq qurumları ilə əməkdaşlığa dair müqavilələrin bağlanmasına kömək edəcəyini deyib.

Mədəniyyət.- 2013.- 24 yanvar.- S. 2.