Ermənistanın “FİTUR-2014” sərgisində fitnəkarlığı etiraz doğurub

Yanvarın 22-də Madriddə işə başlayan “FİTUR-2014” beynəlxalq turizm sərgisində Ermənistana aid sahədə “Qarabağ” stendinin quraşdırılması Azərbaycanın İspaniyadakı səfirliyi və bu ölkədəki soydaşlarımız tərəfindən ciddi narazılıqla qarşılanıb.

Xatırladaq ki, sərginin rəhbərliyi ilə Azərbaycan tərəfi arasında Qarabağ barədə heç bir stendin qoyulmayacağı barədə əvvəlcədən razılıq əldə olunmuşdu, lakin bu razılığa əməl olunmayıb. Stendin quraşdırılmasına etiraz olaraq İspaniyada təhsil alan azərbaycanlı tələbələr səssiz aksiya keçiriblər.

Azərbaycanın İspaniyadakı səfirliyinin əməkdaşları stendlə bağlı etirazlarını sərgi rəhbərliyinə şifahi olaraq bildirmələrinə baxmayaraq, stend sökülməyib. Məsələ ilə bağlı Azərbaycanın Madriddəki səfiri Altay Əfəndiyev İspaniyanın Xarici İşlər Nazirliyinə etiraz notası təqdim edib.

Mədəniyyət.- 2014.- 24 yanvar.- S. 3.