Bir milyard turist - bir milyard imkan

Bu il 27 sentyabr - Ümumdünya Turizm Günü «Bir milyard turist - bir milyard imkan» devizi altında keçiriləcək.

Əlamətdar gün münasibətilə Birləşmiş Millətlərin Ümumdünya Turizm Təşkilatının saytında qurumun baş katibi Taleb Rifainin rəsmi müraciəti yer alıb. Müraciətdə bildirilir ki, hər il bir milyarddan çox insan müxtəlif ölkələrə səyahət edir. Onlar turizmi iqtisadiyyatın aparıcı sektoruna çevirirlər. Beləliklə, qlobal ümumdaxili məhsulun 10 faizi, dünya üzrə ixracatın ümumi həcminin 6 faizi bu sahənin payına düşür.

Baş katibin müraciətində diqqətə çatdırılır ki, turizm dünyada hər on bir işdən birini əhatə edən sektor kimi milyonlarla insanın dolanışığı üçün qiymətli mənbədir. Dünyanın müxtəlif guşələrində hər gün fərqli mədəniyyətlərdən olan milyonlarla insan rastlaşır. Turizm, həmçinin, icmalar millətlər arasında sülhün bərqərar olmasında ilk addımdır. Turizm təyinat məntəqəsinə çatmaqdan daha dərin mənaya - qlobal əhatəliliyə malikdir. Biz hər dəfə səyahət edəndə planetimizdə insanlarda müsbət dəyişiklik etmək gücünə malik qlobal hərəkatın bir hissəsi oluruq.

Dünya Turizm Gününün rəsmi mərasimi sentyabrın 27-də Burkina Fasoda keçiriləcək.

Xatırladaq ki, 1979-cu ildə Ümumdünya Turizm Təşkilatının Baş Assambleyası tərəfindən təsis olunan peşə bayramının məqsədi ictimaiyyətin diqqətini turizmin sosial, mədəni, siyasi iqtisadi dəyərlərinə yönəltməkdir.

Ümumdünya Turizm Günü hər il Azərbaycanda da geniş tədbirlərlə qeyd olunur. Ölkəmiz 2013-cü ildən qurumun İcraiyyə Şurasının üzvüdür. Bu uğur Azərbaycanda turizmin inkişaf strategiyasının düzgün qurulmasına daha bir sübutdur. Təkcə paytaxtımızda deyil, regionlarda da yeni hotellər, istirahət məkanları açılır. Mədəniyyət Turizm Nazirliyi tərəfindən sahənin inkişafı istiqamətində irimiqyaslı layihələr həyata keçirilir. Ölkəmiz turizmə dair beynəlxalq tədbirlərə uğurla ev sahibliyi edir. Bütün bunlar Azərbaycanın dünya turizm bazarında layiqli yerini tutmasını təmin edir.

 

Fəxriyyə Abdullayeva

 

Mədəniyyət.- 2015.- 5 avqust.- S. 7.