Bişkekdə
Beynəlxalq Türk Akademiyasının təqdimatı
Avqustun 28-də Bişkekdə Qırğızıstanın və Qazaxıstanın dövlət nümayəndələrinin, ictimaiyyət təmsilçiləri və ziyalıların iştirakı ilə Beynəlxalq Türk Akademiyasının (BTA) təqdimat mərasimi keçiriləcək. Qeyd edək ki, bu tədbir həm də qazax xanlığının qurulmasının 550-ci ildönümü münasibətilə təşkil olunur.
Beynəlxalq Türk Akademiyası Qazaxıstan, Azərbaycan, Türkiyə və Qırğızıstan dövlətləri tərəfindən 2012-ci ildə təsis edilib, Astana şəhərində yerləşir. Bundan əvvəl BTA-nın təqdimatı Türkiyənin paytaxtı Ankarada keçirilmişdi.
Bişkekdə Qırğızıstan Milli Elmlər Akademiyasının prezidenti A.Erkebayevin iştirakı ilə baş tutacaq tədbirdə Qazax xanlığının tarixi və qırğız-qazax əlaqələri, mədəni ortaqlıq haqqında çıxışlar ediləcək.
Mehparə
Mədəniyyət.- 2015.- 28
avqust.- S. 4.