Konqreslər Bürosu Şərqi Avropa Forumunda təmsil olunub

Mədəniyyət və Turizm Nazirliyinin nəzdində, dövlət və özəl sektorun əməkdaşlığı əsasında fəaliyyət göstərən Azərbaycan Konqreslər Bürosu (AKB) artıq dördüncü dəfədir ki, M&I Forumunda təmsil olunub.

22-26 noyabr tarixində Avstriyanın paytaxtı Vyanada keçirilən tədbirdə Konqreslər Bürosunun beynəlxalq satış və marketinq üzrə meneceri Ayan Zeynalova iştirak edib.

M&I Şərqi Avropa, Körfəz və Hindistan Forumu bu dəfə dünya görüşlər sənayesi bazarının ən nüfuzlu və aparıcı üzvlərini, 150-dən çox alıcını və 70 təchizatçını bir araya gətirib. M&I forumları görüşlər sənayesi bazarı iştirakçılarına ixtisaslı alıcılar ilə əlaqə yaratmağa və təkbətək görüş və iclasların keçirilməsinə imkan verir. Tədbir çərçivəsində AKB adından peşəkar alıcılarla 60-dan çox planlaşdırılmış görüş keçirilib.

Mədəniyyət.- 2015.- 2 dekabr.- S. 9.