“XX əsr Şəki ədəbi-mədəni mühiti” kitabının təqdimatı

Şəki şəhər İ.S.Nakam adına Mərkəzi kitabxanada Azərbaycan Dövlət Pedaqoji Universiteti Şəki filialının müəllimi, filologiya üzrə fəlsəfə doktoru Kamil Adışirinovun “XX əsr Şəki ədəbi-mədəni mühiti” kitabının təqdimat mərasimi keçirilib.

Tədbiri MKS-nin direktoru Seyid Vahabov açaraq tədqiqatçı haqqında məlumat verib. Bildirib ki, Kamil Adışirinov 1960-cı ildə Şəkinin Oxud kəndində ziyalı ailəsində dünyaya göz açıb. Bakı Dövlət Universitetini bitirib. XIX əsrin ikinci yarısı, XX əsrin əvvəllərində Şəkidə yaşayıb-yaratmış İsmayıl bəy Nakamın həyat və yaradıcılığına həsr olunmuş dissertasiya müdafiə edib. Alim beş kitab və 30 elmi məqalənin müəllifidir. Çıxışlarda nəşrin XX əsrdə Şəkidə ədəbi-mədəni mühitini öyrənmək istəyənlər üçün əhəmiyyətli mənbə olduğu bildirilib.

Mədəniyyət.- 2015.- 4 dekabr.- S. 15.