Kərim Tahirov Avrasiya Kitabxanalar Assambleyasının vitse-prezidenti seçilib

Azərbaycan Milli Kitabxanasının direktoru, professor Kərim Tahirov 14-16 dekabr tarixində keçirilən IV Sankt-Peterburq Beynəlxalq Mədəniyyət Forumunda iştirak edib.

Forumda təşkil olunan “MDB məkanında kitab və oxu” dəyirmi masasında K.Tahirov rəhbərlik etdiyi kitabxananın fəaliyyəti, kitab təbliği və yeni mütaliə metodları mövzusunda çıxış edib.

Forum çərçivəsində Avrasiya Kitabxanalar Assambleyasının (BAE) XVIII ümumi iclası keçirilib. T.Kərimov iclasda kitabxanaçılıq sahəsində əməkdaşlıq, elektron kitabxanaların virtual oxu zallarının açılması məsələləri ilə bağlı müzakirələrdə iştirak edib.

İclasda Rusiya və Belarus milli kitabxanalarının direktorları ilə yanaşı, Kərim Tahirov da assambleyanın vitse-prezidenti seçilib.

Mədəniyyət.- 2015.- 18 dekabr.- S. 6.