Dahi bəstəkarın yubileyi ilə bağlı tədbir

Göygöl rayon Mədəniyyət mərkəzində Mədəniyyət və Turizm Şöbəsinin təşkilatçılığı ilə Azərbaycan peşəkar musiqi sənətinin banisi Üzeyir Hacıbəylinin 130 illiyinə həsr olunmuş tədbir keçirilib.

Tədbiri giriş sözü ilə açan şöbənin müdiri Şərqiyyə Hümbətova bildirib ki, Üzeyir Hacıbəylinin yubileyinin dövlət səviyyəsində qeyd olunması mədəniyyətimizə, incəsənətimizə verilən diqqət və dəyərin bariz nümunəsidir.

Sonra bəstəkar haqqında sənədli film nümayiş etdirilib. Mədəniyyət mərkəzinin “Nərgiz” xalq kollektivi, Aşıq Şəmşir adına uşaq musiqi məktəbinin xoru, "Bahar" rəqs qrupunun çıxışı olub. Dram dərnəyi səhnəcik təqdim edib.

Mədəniyyət.- 2015.- 25 dekabr.- S. 7.