Türkiyədə Firəngiz Əlizadənin müəllif konserti

Türkiyənin Adana Böyük Şəhər Bələdiyyəsinin konsert salonunda görkəmli Azərbaycan bəstəkarı, Xalq artisti, professor Firəngiz Əlizadənin müəllif konserti olub. Azərbaycan Bəstəkarlar İttifaqının mətbuat xidmətindən verilən məlumata görə, konsert Xocalı faciəsinin 23-cü ildönümünə həsr edilib.

Azərbaycanın tanınmış dirijoru, Əməkdar incəsənət xadimi Fəxrəddin Kərimovun idarə etdiyi Çukurova simfonik orkestrinin iştirakı ilə “Türk-Azəri dostluq konserti”ndə Firəngiz Əlizadənin “Metomorfoz” əsəri, həmçinin “İntizar” operasından parçalar səsləndirilib. Operadan ariyaları Gülnaz İsmayılova, Səbinə Əsədova və Tolqa Erden ifa ediblər.

Mədəniyyət.- 2015.- 11 fevral.- S. 4.