Şah və əks-səda

 

Lənkəranda balacalar üçün nağıl-tamaşa

 

Nəcəf bəy Vəzirov adına Lənkəran Dövlət Dram Teatrında başqırd yazıçıları Süleyman və Həmdiyyə Lətipovların qələmə aldıqları Şah və əks-səda pyesinin motivləri əsasında hazırlanmış nağıl-tamaşanın premyerası olub. Kiçikyaşlı tamaşaçılarda mərdlik, vətənpərvərlik kimi müsbət keyfiyyətlər aşılayan səhnə əsərinin quruluşçu rejissoru respublikanın Əməkdar artisti Adil Zeynalov, quruluşçu rəssamı Məzaim Qurbanov, musiqi tərtibatçısı Fərahim Fərəcovdur.

Maraqla izlənilən tamaşada əsas rolları Əməkdar artist Sucəddin Mirzəyev, aktyorlar Əlibala Əsgərov, Miraslan Ağayev, Zemfira Nəcəfova, Qızılgül Quliyeva, Gülər Kərimova, rəqsləri isə teatrın nəzdində fəaliyyət göstərən Ümid studiyasının yetirmələri ifa ediblər.

 

Mədəniyyət.- 2015.- 20 fevral.- S. 5.