Zaqatala xalçaçılarının Avropa Oyunlarına töhfəsi

Zaqatalada yerləşən xalça evində üzərində “Bakı-2015” birinci Avropa Oyunlarının rəmzləri əks olunmuş suvenir xalçalar toxunub. Xalça evinin icraçı direktoru Şaiq Əlixanov bildirib ki, üzərinə narla məşəlin simvol kimi həkk olunduğu suvenir xalçaların toxunmasında əsas məqsəd ölkəmizdə keçirilən birinci Avropa Oyunlarının təbliğatına dəstək verməkdir. Müxtəlif milli ornamentləri özündə əks etdirən təbii rənglərlə boyanan suvenir xalçalar ölçüsündən və toxunma sıxlığından asılı olmayaraq, böyük sənətkar bacarığı ilə ərsəyə gəlir.

Mədəniyyət.-2015.- 1 iyul.- S.6.