Milli Kitabxanada latviyalı diplomatla görüş

İyulun 7-də Azərbaycan Milli Kitabxanasında Latviyanın ölkəmizdəki müvəqqəti işlər vəkili, xanım İeva Majore ilə görüş keçirilib. Kitabxananın direktoru Kərim Tahirov kitabxana işi sahəsində ikitərəfli əlaqələrin genişləndirilməsinin vacibliyindən bəhs edib. Xanım İ.Majore Azərbaycan Milli Kitabxanasında proseslərin avtomatlaşdırılması, sənədlərin rəqəmsallaşdırılması və kütləvi tədbirlərlə maraqlanıb.

Qonaq Latviya Milli Kitabxanasının "Xarici kitabxanalara kitab göndərilməsi" layihəsi çərçivəsində Azərbaycan Milli Kitabxanasına ölkəsinin tarixi, siyasəti və mədəniyyəti haqqında ingilis dilində 18 kitab və Latviya filmlərindən ibarət DVD disklər hədiyyə edib.

Öz növbəsində Kərim Tahirov diplomata Azərbaycanın ədəbiyyat, incəsənət və milli mətbəx nümunələrindən bəhs edən kitablar təqdim edib.

Mədəniyyət.-2015.- 8 iyul.- S.4.