Kolumbiyalı rəssamın uşaqlara həsr olunmuş sərgisi

Azərbaycanın Kolumbiyadakı diplomatik nümayəndəliyinin binasında kolumbiyalı rəssam Karlos Villabonun iki ölkənin uşaqlarına həsr olunmuş "Meyvələr" adlı rəsm əsərlərinin sərgisi təşkil edilib.

Azərbaycan Respublikasının Meksikada və eyni zamanda Kolumbiyada akkreditə olunmuş səfirliyinin məlumatında bildirilir ki, sərgidə ölkəmizin tarixi, mədəniyyəti və görməli yerlərini özündə əks etdirən fotoşəkillər də nümayiş etdirilib.

Məlumata görə, gənc və istedadlı rəssam Karlos Villabonun diplomatik nümayəndəliyimizlə sıx əməkdaşlıq münasibətləri mövcuddur. Rəssam ölkəmizin Kolumbiyada təbliği sahəsində də əməli fəaliyyət göstərir.

Mədəniyyət.-2015.- 10 iyul.- S.2.