“Turizmin əsasları” dərsliyi hazırlanır

Azərbaycan Turizm və Menecment Universitetinin turizm biznesi kafedrasının müəllimlərinin və Vətəndaş Təşəbbüsləri Mərkəzinin mütəxəssislərinin iştirakı ilə «Turizmin əsasları» kitabı hazırlanır. Prezident yanında QHT-lərə Dövlət Dəstəyi Şurasının yardımı ilə həyata keçirilən layihə çərçivəsində hazırlanan kitab universitet tələbələri üçün dərs vəsaiti kimi nəzərdə tutulub.

Layihənin əlaqələndiricisi Çingiz Güləliyevin sözlərinə görə, Azərbaycanda turizm xidmətləri sektoru sürətlə genişlənməkdədir. Turizm sektorunda dayanıqlı inkişafın təmin edilməsi fəaliyyət göstərən kadrların bilik və bacarığından çox asılıdır. O qeyd edib ki, tədris proqramına uyğun olaraq hazırlanan yeni dərslikdə turizmin tənzimlənməsinin nəzəri əsasları, prinsip və metodları müasir bazar iqtisadiyyatı şəraitinə əsaslanaraq yazılacaq. Kitabda turizmin idarəçilik üsulunu və metodlarını ehtiva edən məlumatlara üstünlük veriləcək.

Mədəniyyət.- 2015.- 5 iyun.- S. 7.