“Azərbaycan mətbəxi” kitabı beynəlxalq müsabiqədə qalib gəlib

İyunun 9-da Çinin Yantay şəhərində keçirilən "Gourmand World Cookbook Awards" müsabiqəsində “Azərbaycan mətbəxi” ("The Azerbaijani Kitchen") kulinariya kitabı "Ən yaxşı Şərqi Avropa mətbəx kitabı" nominasiyasında 1-ci yeri qazanıb. Tədbirdə ölkəmizi kitabın müəllifləri Tahir Əmiraslanov və Leyla Rəhmanova təmsil edib.

Kitab Azərbaycanın milli mətbəxinin və kulinariya ənənələrinin beynəlxalq səviyyədə təqdim və təbliğ edilməsi məqsədilə Mədəniyyət və Turizm Nazirliyinin sifarişi ilə 2014-cü ildə Böyük Britaniyanın “Saqi Books” nəşriyyatı tərəfindən nəşr olunub və beynəlxalq səviyyədə keçirilən "Gourmand World Cookbook Awards" müsabiqəsi çərçivəsində bir neçə mərhələni keçərək finala çıxıb.

Dünyanın 125 ölkəsindən yüzlərlə nominantın və minlərlə kitabın iştirak etdiyi müsabiqədə "The Azerbaijani Kitchen" kulinariya kitabı ilə yanaşı, Azərbaycan mətbəxindən bəhs edən daha 3 kitab qalib olub. Bunlar Rusiyanı təmsil edən həmyerlimiz Stalik Xankişiyevin "Kazan. Kulinarnıy samouçitelğ (Uzbekistan, Rossiə, Azerbaydjan)", ABŞ-da yaşayan soydaşımız Fəridə Buyuranın "Pomegranates and Saffron (A culinary journey to Azerbaijan)" və İran təmsilçisi Samirə Cənnətdostun (Təbriz) "Samira's İnternational Cookbook" kitablarıdır.

Mədəniyyət.- 2015.- 12 iyun.- S. 4.