I Avropa Oyunları ilə bağlı reklam-çap məhsulları yayılır

I Avropa Oyunlarının Bakıda keçirilməsi idman sahəsində həyata keçirilən dövlət siyasətinin gücləndirilməsinə, Azərbaycanın beynəlxalq nüfuzunun daha da artmasına, dünya idman aləmində önəmli yer tutmasına şərait yaratması ilə yanaşı, ölkəmizin mədəniyyətinin, turizm potensialının təbliği baxımından da mühüm rol oynayır.

Bu məqsədlə I Avropa Oyunları ilə bağlı Mədəniyyət və Turizm Nazirliyi tərəfindən "Bakının kafe və restoranları", "Muzeylər, qoruqlar və qalereyalar", "Teatrlar, kinoteatrlar və konsert zalları" və "Parklar" adlı yeni reklam-çap məhsulları hazırlanıb.

Oyunlar çərçivəsində ölkəmizə səfər edən xarici qonaqlar arasında yayılması məqsədilə Mədəniyyət və Turizm Nazirliyi tərəfindən ümumilikdə 18 adda reklam-çap məhsulları sifariş edilib. Azərbaycanın turizm potensialını əks etdirən və müxtəlif mövzuları əhatə edən reklam-çap məhsullarının Bakıda, habelə I Avropa Oyunlarının avarçəkmə yarışlarının keçirildiyi Mingəçevir şəhərində 20-dən artıq məntəqədə ödənişsiz yayılması həyata keçirilir.

Mədəniyyət.- 2015.- 19 iyun.- S. 3.