Özbəkistan saytında “İstisu” haqqında məqalə

Özbəkistanın podrobno.uz portalında Azərbaycanın müalicəvi “İstisu” mineral suyu haqqında rus dilində material dərc olunub.

Məqalədə min dərdin dərmanı olan “İstisu” mineral su mənbəyinin Ermənistanın işğal etdiyi Kəlbəcər rayonu ərazisində olduğu bildirilir. Qeyd olunur ki, bu şəfalı suyun qaynadığı ərazi dəniz səviyyəsindən 2225 metr yüksəklikdə yerləşir. Sovet dövründə - 1928-ci ildə burada sanatoriya tikilib və “İstisu” bütün dünyada məşhurlaşıb.

Materialda “İstisu” kimyəvi və fiziki keyfiyyətlərinə görə Çexiyadakı məşhur Karlovı Varı mineral suları ilə müqayisə edilir. Məqalədə 1993-cü ildən işğal altında olan Kəlbəcər rayonunun füsunkar təbiəti, eləcə də Azərbaycanın digər regionlarındakı müalicəvi su mənbələri haqqında da məlumat verilir.

Mədəniyyət.- 2015.- 24 iyun.- S. 12.