Muzey əşyalarının bərpası müzakirə olunub

 

İyunun 18-də Mədəniyyət və Turizm Nazirliyinin Muzey Sərvətləri və Xatirə Əşyalarının Elmi Bərpa Mərkəzində elmi bərpa şurasının iclası keçirilib. İclasda son aylar ərzində mərkəzdə bərpa və konservasiya olunmuş Yevlax, Lerik, Masallı, Ağsu, Astara və digər bölgələrin tarix-diyarşünaslıq muzeylərinin, Azərbaycan Milli İncəsənət Muzeyinin, Əzim Əzimzadənin ev-muzeyinin toplularından xalça, xalça məmulatı, qrafika, tikmə, parça, metal, ağacs. - ümumilikdə 50-dək muzey əşyasına baxış keçirilib.

Muzey əşyaları üzərində aparılan bərpa və konservasiya işləri qənaətbəxş qiymətləndirilib. Eyni zamanda Milli İncəsənət Muzeyinin 10 ədəd qrafika, 3 ədəd tikmə nümunəsinin bərpasının yüksək peşəkarlıqla aparıldığı qeyd olunub.

İclasda Mədəniyyət və Turizm Nazirliyinin göstərişinə əsasən bərpa məqsədilə mərkəzə gətirilmiş nümunələrə - Astara, Ağsu, Masallı tarix-diyarşünaslıq, Azərbaycan XalçaMilli İncəsənət muzeylərindən daxil olmuş 200-ə yaxın əşyaya ilkin baxış keçirilərək zədələnmə dərəcələri, səbəbləri və bərpa üsulları müzakirə olunub.

 

Mədəniyyət.- 2015.- 24 iyun.- S. 4.