Şimali Kiprdə ECO ölkələrinin turizm toplantısı

Aprelin 28-30-da Şimalı Kipr Türk Respublikasında İqtisadi Əməkdaşlıq Təşkilatının (ECO) turizm üzrə işgüzar toplantısı keçirilib. Ölkəmizi tədbirdə Skal Bakı turizm peşəkarları klubu, Azərbaycan Turizm Assosiasiyası, Millennium Tourism & Congress şirkəti və Qafqaz hotellər şəbəkəsi təmsil edib.

Azərbaycan Turizm Assosiasiyası idarə heyəti sədrinin müşaviri Müzəffər Ağakərimovun sözlərinə görə, tədbirə Azərbaycan, Türkiyə, Pakistan, Əfqanıstan, Qırğızıstan təmsilçiləri qatılıb. Toplantıda ECO-ya üzv ölkələrdə investisiya, turizm potensialı, planlaşdırma, reklam, marketinq strategiyası və s. məsələlər müzakirə edilib, təqdimatlar olub. Müzəffər Ağakərimov, Skal Bakının vitse-prezidenti Ceyhun Aşurov öz təqdimatlarında Azərbaycanın turizm potensialı və inkişaf perspektivləri haqqında iştirakçılara geniş məlumat veriblər.

 

Fəxriyyə

Mədəniyyət.- 2015.- 6 may.- S. 9.