Azərbaycan və Litva arasında mədəniyyət və turizm əməkdaşlığı genişlənir

III Ümumdünya Mədəniyyətlərarası Dialoq Forumunun təşkilatçılıq səviyyəsi gələn ay Bakıda I Avropa Oyunlarının da yüksək səviyyədə keçiriləcəyinə zəmin yaradır. Bu fikri Litva Respublikasının mədəniyyət naziri Şarunas Birutis mədəniyyət və turizm naziri Əbülfəs Qarayevlə görüşündə bildirib.

Görüşdə Azərbaycan Respublikası Mədəniyyət və Turizm Nazirliyi Turizm şöbəsinin imkanlarının gücləndirilməsi ilə bağlı Avropa İttifaqının Tvinninq layihəsinin uğurla başa çatmasından söhbət açılıb və yeni layihə haqqında məlumat verilib. Qeyd edək ki, Litva bu layihədə Avropa İttifaqı tərəfdən əsas iştirakçıdır.

Söhbət zamanı Azərbaycan və Litva arasında mədəniyyət sahəsində mübadilənin həyata keçirilməsi təklifləri irəli sürülüb. Eyni zamanda qarşılıqlı mədəniyyət günlərinin keçirilməsi, konsertlərin təşkil olunması kimi məsələlər də müzakirə olunub.

 

Mədəniyyət.- 2015.- 22 may.- S. 5.