Xalça Muzeyində balacaların əl işləri nümayiş olunub

Noyabrın 7-də Azərbaycan Xalça Muzeyinin uşaq muzeyi şöbəsi Dövlət Bayrağı Günü münasibətilə “Dalğalanan bayrağım” adlı tədbir keçirib.

Tədbirdə şöbənin dərnək üzvlərinin əl işlərindən ibarət rəsm sərgisi və dekorativ-tətbiqi sənət nümunələri nümayiş olunub.

“Dalğalanan bayrağım” adlı intellektual oyun, “Naxışlar aləminə səyahət”, “Özün toxu”, “Öz xalçanı yarat” və “Face-art” adlı təqdimatlar tədbirdə iştirak edən müxtəlif məktəblərin şagirdləri tərəfindən maraqla qarşılanıb. Çıxışlarda tariximiz, milli dəyərlərimiz, adət-ənənələrimiz barədə söz açılıb.

Sonra tədbirdə şagirdlərin ifasında bayraq gününə aid mahnılar və şeirlər səsləndirilib.

Mədəniyyət.- 2015.- 11 noyabr.- S. 13.