Avropa Oyunları üçün
uşaq və gənclərin incəsənət
proqramı
Musiqi və rəqs kollektivlərinin idman qurğuları qarşısında çıxışları nəzərdə tutulub
Yanvarın 13-də Mədəniyyət və Turizm Nazirliyi Elm, təhsil və gənclərlə iş şöbəsi əməkdaşlarının və Bakı şəhərinin aparıcı uşaq musiqi və incəsənət məktəbləri direktorlarının iştirakı ilə I Avropa Oyunlarına hazırlıqla bağlı yığıncaq keçirilib.
Toplantıda 12-28 iyun 2015-ci il tarixində keçiriləcək I Avropa Oyunları zamanı paytaxtın uşaq musiqi və incəsənət məktəblərinin qarşısında duran vəzifələr müzakirə edilib. Oyunlar zamanı yarış iştirakçıları və qonaqlara mədəni xidmətlərin göstərilməsi, onlara milli mədəniyyət nümunələrimizi yaxından tanıdılması məqsədilə məktəb direktorlarına müvafiq konsert proqramlarının və təkliflərin hazırlanaraq nazirliyə təqdim edilməsi tapşırılıb.
I Avropa
Oyunları zamanı Bakının müxtəlif meydan və parklarında, mədəniyyət
və idman qurğularının
qarşısında Bakı Xoreoqrafiya
Akademiyasının şagird və tələbələrinin
rəqs nömrələrinin nümayiş
etdirilməsi, Bakı şəhər uşaq
musiqi və incəsənət məktəblərinin
birləşmiş xorunun, xalq
çalğı alətləri orkestrinin,
simli musiqi alətləri
ansamblının, caz qrupunun
çıxışları nəzərdə tutulub.
Mədəniyyət.- 2015.- 14
yanvar.- S. 2.