Özbəkistan saytında Qayınana filmi haqqında məqalə

 

Özbəkistanın uchildiz.uz portalında Dünya kino xəzinəsindən: Qayınana adlı məqalə dərc olunub. Məqalədə Özbəkistanda da məşhur olan Qayınana filmi, bu ekran əsərində baş rol ifaçısı, Azərbaycanın Xalq artisti Nəsibə Zeynalovanın həyat və yaradıcılığı haqqında söhbət açılır.

Qayınananın keçmiş SSRİ dövründə özbək dilinə dublyaj edildiyinio vaxtdan Özbəkistanda ən çox baxılan klassik filmlərdən biri olduğunu qeyd edən müəllif ekran əsərinin ölkənin telekanallarında tez-tez nümayiş etdirildiyini vurğulayır.

Məqalədə bildirilir ki, Nəsibə Zeynalova 20-dən artıq filmdə, 70-dən çox teatr tamaşasında maraqlı obrazlar yaradıb. Onun yaratdığı Cənnət xala, Suğra, Fatmanisə və digər rollar bu gün də Azərbaycanda və digər ölkələrdə sevilir.

Sonda qeyd edilir ki, Özbəkistanın tanınmış müğənnisi Şahzoda Qayınana filmindən fraqmentlərdən istifadə edərək yeni klip çəkdirib və bu klip tamaşaçılar tərəfindən maraqla qarşılanıb.

 

Mədəniyyət.- 2015.- 16 yanvar.- S. 14.