Xalq şairinin yubileyinə həsr olunan şeir gecəsi

Qazax rayon MKS-nin Yuxarı Salahlı kənd kitabxana filialının təşkilatçılığı ilə Səməd Vurğunun Poeziya evində böyük şairin 110 illiyinə həsr olunmuş “Vurğun öldü deməyin...” adlı şeir gecəsi keçirilib.

Tədbiri giriş sözü ilə kitabxana filialının müdiri Tamam Cəfərova açaraq Səməd Vurğunun həyat və yaradıcılığı haqqında məruzə ilə çıxış edib. 2 saylı kitabxana filialının müdiri Məktubə Qocayeva və məktəbin müəllimi Aytac Bayramova Xalq şairinin dillər əzbəri olan əsərlərindən söz açıblar. Şagirdlər şairin şeirlərini söyləyiblər. Sonda “Səməd Vurğun - 110“ adlı kitab sərgisinə baxış keçirilib.

Mədəniyyət.- 2016.- 13 aprel.- S. 15.