Muzeydə dəyirmi masa və ekskursiya

Qəbələ Rayon Tarix-Diyarşünaslıq Muzeyində 18 aprel - Tarixi Abidələrin Mühafizəsi Gününə həsr olunmuş dəyirmi masa keçirilib. Muzeyin əməkdaşı Tahirə Şəfiyeva “Azərbaycan tarixi abidələr diyarıdır” mövzusunda məruzə ilə çıxış edib.

Əlamətdar günlə bağlı muzeydə 4 saylı məktəbin V sinif şagirdləri üçün ekskursiya da təşkil olunub. Məktəblilər muzeyin həyətində sərgilənən daş abidələri seyr etdikdən sonra daxili ekspozisiya ilə tanış olublar. Muzeyin bələdçisi Gülmayə Əfəndiyeva şagirdlərin tarixi abidələrimizlə bağlı suallarına cavab verib.

Mədəniyyət.- 2016.- 22 aprel.- S. 11.