“Turizm
və qonaqpərvərlik tədqiqatları”nın növbəti
sayı çapdan çıxıb
Azərbaycan Turizm və Menecment Universitetinin (ATMU) nəşri olan “Turizm və qonaqpərvərlik tədqiqatları” jurnalının növbəti nömrəsi çapdan çıxıb. Jurnalın bu nömrəsində yerli və xarici alimlərin 20-dən çox məqaləsi yer alıb.
Məqalələrdə turizmin inkişafı, turizmin inkişafına təsir edən amillər, dünyada baş verən proseslərin turizmin inkişafına təsiri, turizmin inkişafının iqtisadi inkişafa təsirləri, mədəni irsin inteqrasiyasında turizmin rolu, eləcə də bu sahədə kadr potensialının inkişafının tədqiqinə geniş yer verilib.
Jurnalda mədəniyyət
və turizm naziri
Əbülfəs Qarayevin “Azərbaycanda turizmin inkişaf
meyarları” sərlövhəli məqaləsi də dərc olunub. Məqalədə
Bakıda və regionlarda turizm
infrastrukturunun yaradılması sahəsində
görülən işlər, ölkədə keçirilən
müxtəlif turizm tədbirləri, eləcə
də milli mədəni dəyərlərin
təbliği ilə bağı görülən işlərin
təhlili əksini tapıb.
Mədəniyyət.- 2016.- 29
aprel.- S. 9.