Azərbaycanlı dramaturqun əsəri Türkiyə teatrında

İstanbulun Oda (Kamera) teatrının səhnəsində yazıçı-dramaturq Firuz Mustafanın “Müqəvva” pyesi əsasında səhnələşdirilən tamaşanın premyerası olub.

Rejissor Elçin İmanovun quruluş verdiyi səhnə əsəri Azərbaycan dilində nümayiş olunub. Tamaşanın quruluşçu rəssamı Taryel Əlizadə, musiqi tərtibatçısı Elçin Emindir. Səhnə əsərində baş rolu İstanbulda yaşayan həmyerlimiz Kəmalə Kamal ifa edib. Tamaşanın premyerasına Türkiyənin sənət ictimaiyyəti ilə yanaşı, ölkədə yaşayan azərbaycanlılar da maraq göstəriblər.

Qeyd edək ki, afişalarda teatrsevərlərə “Manken” adı ilə təqdim edilən səhnə əsərinin sentyabrın 1-də təkrar nümayişi nəzərdə tutulur.

Mədəniyyət.- 2016.- 26 avqust.- S.12.