Cəlilabadda XII əsrə aid dəfinə tapılıb

 

 

Mis pullar Səlcuq sultanı Arslan şahın adından kəsilib

 

Cəlilabad rayonunun Uzuntəpə kəndi yaxınlığındakı qədim yaşayış yerindən XII əsrə aid mis sikkələr tapılıb. Tədqiqat işləri zamanı aşkar olunan təsərrüfat küpünün içərisindəki 273 ədəd mis sikkə tədqiq olunmaq üçün AMEA-nın Arxeologiya Etnoqrafiya İnstitutuna aparılıb.

Sikkələr numizmat alim, professor Əli Rəcəbli tərəfindən tədqiq olunub. Həmçinin AMEA Radiasiya Problemləri İnstitutununRadiokimya laboratoriyası”nda kimya elmləri namizədi Rauf Quliyev tərəfindən kimyəvi üsullarla təmizlənib onların üzərində aparılmış elmi tədqiqat işləri tam başa çatdırılıb.

Mis dirhəm fəlslərdən ibarət olan qədim pullar Atabəy Eldəgizlər dövrünə (XII əsr) aiddir. Sikkələrin epitafiyalarındakı salamat qalan hissələrindən məlum olur ki, qədim mis pullar İraq Səlcuq sultanı Arslan şahın (1161-1176) adından kəsilib. Dirhəmin bir tərəfində Abbasilərin xəlifəsi olan Əbül Müzəffər əl-Müstəncidin (1160-1170) adı həkk olunub. Digər tərəfində isə Qurani-KəriminTövbəsurəsinin 33-cü ayəsindən bir hissə yazılıb.

Dəfinə nümayiş etdirilmək üçün Cəlilabad Rayon Tarix-Diyarşünaslıq Muzeyinə təhvil verilib.

 

Mədəniyyət.- 2016.- 31 avqust.- S.15.