Goranboy Tarix-Diyarşünaslıq
Muzeyində yeni eksponatlar
Bölgələrimizdə fəaliyyət göstərən tarix-diyarşünaslıq muzeyləri hər il yeni-yeni eksponatlarla zənginləşir, ziyarətçilərinin sayı artır.
Bu yaxınlarda Goranboy Rayon Tarix-Diyarşünaslıq Muzeyinə yeni eksponatlar daxil olub. Eksponatlar əsasən AMEA-nın Arxeologiya və Etnoqrafiya İnstitutunun aparıcı elmi işçisi Vaqif Əsədov, elmi işçi Əhliman Əbdürrəhmanov və baş laborant Fərhad Fərmanovun iştirakı ilə rayonun Borsunlu ərazisində aparılan arxeoloji qazıntı işləri nəticəsində əldə edilən tarix yadigarlarıdır.
Son tunc - ilk dəmir
dövrünə aid (e.ə. II minilliyin sonu
- I minilliyin əvvəli) daş
örtüklü kurqanlardan
aşkar edilən maddi-mədəniyyət
nümunələri iri ölçülü
saxsı küp, orta tutumlu dar boğazlı
küpə, uzunsov gövdəli dolça, kiçik həcmli
bikonik formalı küpə, ağ rəngli pasta muncuq, tunc mildən
hazırlanmış gərdənlik və nazik tunc mildən
hazırlanmış qolbaqlardan ibarətdir.
Mədəniyyət.- 2016.- 5
fevral.- S. 11.