TÜRKSOY 2016-cı ili “Yusif Has Hacib ili” elan
edib
Beynəlxalq Türk Mədəniyyəti
Təşkilatı - TÜRKSOY türk-islam tarixinin böyük şairi, alimi və mütəfəkkiri
Yusif Əli Hacibin (Yusif Balasaqunlu) anadan olmasının 1000 illiyi münasibətilə 2016-cı ili “Yusif Has Hacib ili” elan
edib.
Türk-islam tarixi və mədəniyyəti baxımından
son dərəcə önəmli
olan “Kutadqu bilik” (“Xoşbəxtlik verən bilik”) siyasətnaməsinin müəllifi
olan böyük mütəfəkkirin təvəllüdü
və həyatı haqqında məlumatlar olduqca azdır. Onun 1016-1017-ci illərdə Qaraxanlı dövlətinin (Orta Asya və Şərqi
Türküstan torpaqlarında
mövcud olmuş türk dövləti) Balasaqun şəhərində
anadan olduğu,
1069-1070-ci illər arasında
vəfat etdiyi təxmin edilir.
“Yusif Has Hacib ili”nin açılış
mərasimi fevralın
19-da TÜRKSOY, Qırğızıstanın
Elm, Mədəniyyət və
Turizm Nazirliyi, Qırğızıstanın Ankaradakı
səfirliyi və Türk Dünyası Bələdiyyələr Birliyinin
birgə təşkilatçılığı
ilə keçiriləcək.
Mərasimdən sonra
TÜRKSOY-un və Əl-Fərabi
adına Qazax Milli Universitetinin
işbirliyi ilə beynəlxalq Yusif Has Hacib simpozimu təşkil olunacaq. Xatirə ili
çərçivəsində
TÜRKSOY-a üzv ölkələrdə
bir sıra tədbirlər nəzərdə
tutulub.
Mehparə Sultanova
Ankara
Mədəniyyət.- 2016.- 10
fevral.- S. 5.