Milli Ensiklopediyanın 50 illiyinə dair tədbirlər planı təsdiqlənib

Azərbaycan Milli Elmlər Akademiyası (AMEA) rəyasət heyətinin fevralın 10-da keçirilən iclasında Azərbaycan Milli Ensiklopediyasının 50 illik yubileyinə dair tədbirlər planı müzakirə olunub.

Akademiyadan bildiriblər ki, Prezident İlham Əliyevin 2015-ci il 24 noyabr tarixli sərəncamına əsasən AMEA, Təhsil Nazirliyi, Mədəniyyət və Turizm Nazirliyinə Azərbaycan Milli Ensiklopediyasının 50 illik yubileyinə dair tədbirlər planını hazırlayıb həyata keçirilmək tapşırılıb.

AMEA-nın vitse-prezidenti, “Azərbaycan Milli Ensiklopediyası” Elmi Mərkəzinin direktoru, akademik Tofiq Nağıyev bununla bağlı işçi qrupun yaradıldığını bildirib. Əlaqədar təşkilatların iştirakı ilə hazırlanan tədbirlər planı rəyasət heyətinə təqdim edilib və qurumun qərarına əsasən təsdiqlənib.

Mədəniyyət.- 2016.- 12 fevral.- S. 4.