Bakıda Azərbaycan-İraq mədəni dəyərlər sərgisi

Azərbaycan-İraq Mədəni Əlaqələr İctimai Birliyinin Prezident yanında Qeyri-Hökumət Təşkilatlarına Dövlət Dəstəyi Şurasının yardımı ilə həyata keçirdiyi layihə üzrə Azərbaycan-İraq mədəni dəyərlər sərgisi keçirilib.

İB-nin sədri Tahirə Məmmədova layihə haqqında məlumat verib. Qeyd olunub ki, layihə Azərbaycan və İraq xalqlarının mədəniyyətini, milli dəyərlərini təbliğ etmək, habelə iki ölkənin tarixi həqiqətlərini ictimaiyyətin diqqətinə çatdırmaq məqsədi daşıyır.

İraqın ölkəmizdəki müvəqqəti işlər vəkili Fazil Avad əl-Şuvey çıxış edərək sərginin əhəmiyyətindən söz açıb. Bildirilib ki, belə tədbirlərin iki ölkə arasında münasibətlərin inkişafına töhfə verir.

Sərgidə Azərbaycan-İraq xalqlarının folklor, tarixi-mədəniyyət, incəsənət, geyim, musiqi, mətbəx nümunələri və erməni separatçılarının Qarabağda törətdikləri vəhşilikləri əks etdirən fotoşəkillər nümayiş olunub.

Layihənin həyata keçməsində əməyi olan təşkilatlar və bir qrup iraqlı jurnalist fəxri fərmanlarla mükafatlandırılıb.

Mədəniyyət.- 2016.- 27 iyul.- S. 13.